ပြန်လိုချင်တယ်အခုလေ

ပြန်လည်တမ်းတလို
လိုချင်မိသော အချိန်လေး
ဟိုး အတိတ်တွေဆီ
တစ်ဖန် ပြန်လည်ရောက်သွား
မင်းမရှိတဲ့နေရာ
အနမ်းလေးတွေက
လေပြင်တိုးသလို
ငါ့နားထဲ ညှင်းသဲ့သဲ့
ကြားယောင်နေဆဲ
အသက်ရှုသံ ခပ်တိုးတိုးလေ
မင်းအငွေ့အသက်တွေ
တစ်ဖန်ပြန်လည် နိုးထလာတယ်
ဒါက တကယ်တော့
အစစ်အမှန်မဟုတ်ပါဘူး
အတွေးတွေပါဘဲ
ငါလေ ပြန်လည်တမ်းတနေဆဲ
မင်းကဘယ်ဆီမှာလဲ