ପିପିଲି ଉପନିର୍ବାଚନ: ଭୋଟ ଦେଲେ ୩ ରାଜନୈତିକ ଦଳର ପ୍ରାର୍ଥୀ

ପୁରୀ (ଏଟିଆର ବ୍ୟୁରୋ): ପିପିଲ ଉପନିର୍ବାଚନ ପାଇଁ ଆଜି ଚାଲିଛି ଭୋଟିଂ । ଭୋଟ ବୁଥ୍ ରେ ମତଦାନ କରୁଛନ୍ତି ଭୋଟର । ସକାଳ ୭ଟାରୁ ମତଦାନ ପ୍ରକ୍ରିୟା ଆରମ୍ଭ ହୋଇଯାଇଛି । ତିନୋଟି ପ୍ରମୁଖ ରାଜନୈତିକ ଦଳ ପ୍ରାର୍ଥୀ ଭୋଟ୍ ବୁଥରେ ସେମାନଙ୍କର ଭୋଟ ଦେଇଛନ୍ତି । ଏହାସହିତ ସେମାନଙ୍କ ପରିବାର ମଧ୍ୟ ଭୋଟ ଦେଇଛନ୍ତି ।

ବିଜେଡି ପ୍ରାର୍ଥୀ ରୁଦ୍ର ପ୍ରତାପ ମହାରଥୀ ତାଙ୍କ ପରିବାର ସଦସ୍ୟ ତଥା ମା ପ୍ରତିଭା ମହାରଥୀ, ପତ୍ନୀ ଜାଗୃତି ମହାରଥୀ, ଭଉଣୀ ପଲ୍ଲବି ଏବଂ ଭିଣୋଇ ଅର୍ଦ୍ଧେନ୍ଦୁଙ୍କ ସହ ଭୋଟ ବୁଥ୍ ରେ ପହଁଚି ଭୋଟ ଦେଇଛନ୍ତି ।

ସେହିପରି ବିଜେପି ପ୍ରାର୍ଥୀ ଆଶ୍ରିତ ପଟ୍ଟନାୟକ ଏବଂ କଂଗ୍ରେସ ପ୍ରାର୍ଥୀ ବିଶ୍ୱକେସନ ହରିଚନ୍ଦନ ମହାପାତ୍ର ମଧ୍ୟ ନିଜର ମତଦାନ କରିଛନ୍ତି ।