Generation Z??

Mga batan-ong dili mahimutang kung wala ang teknolohiya
Mga anak nga balikason apil ilang Papa ug Mama
Kay lagi wala mahatag ang gusto nila
Kay sa huna-huna kini makapalipay kanila.

Post diri, post didto para lang ang tanan mahibalo
Wala panumbalinga nga kini dili makahatag ug kaayo
Makapagawas lang sa ilang gibati ngadto sa ubang tawo
Bisan kini adunay dakong epekto.

Wala pa sa hamtong nga ka edaran apan kung storya kusog na mupadagan
Ikaw, ako, sila, kitang tanan kini naagian
Apan sa panahon karun lahi na ang dagan
Kay sa matag sayop nga nabuhat kini hingpit nang tinuyuan.