စာအဆိပ် နဲ့ စိတ်အစာ

Credit - Photos

မင်္ဂလာပါ...စတီးမစ်မြန်မာမိသားစုများခင်ဗျ...
ကျွန်တော်တို့တွေဟာ ဇီဝလိုအပ်ချက်အရ နေ့စဉ်နေ့တိုင်း
အစားအစာများကို ကိုယ်ခန္ဒာအတွက် မှီဝဲသုံးဆောင်နေကြရသလို
စိတ်ပိုင်းဆိုင်ရာအတွက် ကောင်းမွန်သော စာပေများကို
စိတ်အဆာကျွေးတဲ့အနေနဲ့ လေ့လာဖို့ လိုအပ်ပါတယ်။
သို့သော် မိမိတို့စားသုံးမိတဲ့ စာပေဟာ အဆိပ်သင့် မသင့် ဆန်းစစ်ဖို့
လွန်စွာအရေးကြီးလှပါတယ်။အစားအစာမှာ အဆိပ်သင့်သလိုပါပဲ။
အဆိပ်သင့်စာပေများကို မှီဝဲမိပါက
ကုစားဖို့ခက်ခဲတဲ့ စိတ်ရောဂါများဟာ မိမိတို့စိတ်တွင်းမှာ ကိန်းအောင်းနေကာ
ဘ၀တစ်လျောက်လုံး အဆိုးသံသရာထဲကို ကျရောက်သွားနိူင်တဲ့အထိ
အန္တရယ်ရှိလှပါတယ်။အထူးသဖြင့် ယနေ့ခေတ်အချိန်ကာလမှာ
သတင်အချက်များ၊အစုံအစုံသော အကြောင်းအရာများဟာ
လွယ်ကူလျင်မြန်သောအရှိန်နဲ့ ကမ္ဘာ့တစ်နေရာမှ တစ်နေရာသို့
ကူလူးဖလှယ်နိူင်ကြပါပြီ်။အကောင်းအဆိုးရောထွေးယှက်တင်နေတဲ့
အကြောင်းအရာတွေဟာ နေရာအတော်တော်များများမှာ
လွယ်ကူစွာမြင်တွေ့နေနိူင်ကြပါပြီ။ဥပမာ-ဖေ့စ်ဘုခ်လိုမျိုးနေရာဟာ
အရွယ်မရောက်သေးသော လူငယ်များအတွက် အန္တရယ်ရှိလှပါတယ်။
အသိဥာဏ်နုနယ်သေးတဲ့ လူငယ်လူရွယ်များအတွက်တော့
အဆိပ်သင့် မသင့်ဆိုတာကို ခွဲခြားရွေးခြယ်နိူင်စွမ်း မရှိကြသေးပါဘူး။
တစ်နေ့က ဗီဒီယိုဖိုင်လေးတစ်ခု ကြည့်လိုက်မိပါတယ်။
ဆရာတော် အရှင်ဆေကိန္ဒနဲ့ ကျောင်းသူကျောင်းသားလေးတွေ
အမေးအဖြေလုပ်နေကြတာလေးပါ။အဲဒီမှာ ကျောင်းသားလေးတစ်ယောက်က
ဆရာတော်ကို မေးလျောက်ပါတယ်။ဆရာတော်ကတော့ ကျောင်းသားလေးကို
သူ့စိတ်အခြေအနေကိုကြည့်ပြီး တဖြေးဖြေး တဆင့်ခြင်း ဖြေကြားသွားပါတယ်။
ဒါဟာ မိစ္ဆာဋ္ဌိဒိအယူအဆဖြစ်တယ် လို့လဲ မိန့်ကြားပါတယ်။

ကျောင်းသားလေးမေးတဲ့ အမေးက
" "တကယ်လို့များ နိဗာန်ကို မတော်တဆရောက်ခဲ့ရင် ပြန်ထွက်လို့ရနိူင်မဲ့
နည်းလေးများရှိပါသလား ဘုရား၊အစကတော့ ဘုရားရှိခိုးရင် နိဗာန်ရောက်ဖို့
ဆုတောင်းမိတယ်၊ နောက်တော့ အဲဒီမှာ ဘာမှမရှိဘူးဆိုတာသိရတော့
ဆုမတောင်းရဲတော့ပါဘူး၊ ဒါကြောင့် ရောက်ခဲ့ရင် ပြန်ထွက်ဖို့ နည်းလမ်းရှိပါလား" "တဲ့။

ဒါကိုကြည့်ချင်းအားဖြင့် ဒီလူငယ်ကျောင်းသားလေးဟာ အသိဥာဏ်အဆိပ်သင့်နေပါပြီ။
နိဗာန်ဟာ မတော်တဆမရောက်နိူင်ဘူးဆိုတာ သူမသိခဲ့ပါဘူး။နိဗာန်ဆိုတာ ပျင်းရိငြီးငွေးစရာလို့
သူ့စိတ်မှာ ထင်မှတ်နေပါပြီ။ပြန်ထွက်လိုစိတ်ရှိနေသမျှတော့ ရောက်ရှိအောင်
ကျင့်ဆောင်နိူင်ဖို့ အင်အားဆိုတာ ဘယ်တော့မှ မရှိနိူင်ဘူး ဆိုတာကို သူနားမလည်သေးလို့ပါ။
အချိန်မှီ ပြုပြင်နားလည်နိူင်ပါစေ လို့လဲ ဆုတောင်းပေးမိပါရဲ့။

"အစကောင်းမှ အနှောင်းသေချာ"ဆိုသလို အခြေခံမူလ အုတ်မြစ်ဟာ
အဆောက်အဦတစ်ခု ရေရှည်တည်တံ့ ခိုင်မြဲဖို့ လွန်စွာအရေးပါလှပါတယ်။
မရင့်ကျက်သေးတဲ့ အသိဥာဏ်ထဲမှာ အဆိပ်သင့်အယူအဆများ
စိမ့်ဝင်သွားခဲ့မယ်ဆိုရင် သူတို့တွေရဲ့အနာဂတ်ဟာ မတွေးဝံ့စရာပါပဲ။
(သန်းကြွယ်သူဌေးကြီးတစ်ဦးဖြစ်တဲ့ ဘီလ်ဂိတ်(BillGates)ဟာ
သူ့သားသမီးတွေကို အသက်(၁၈)နှစ်ပြည့်ကာမှ ကိုယ်ပိုင်မိုဘိုင်းဖုန်း
ကိုင်စေတယ်လို့ မှတ်သားဖူးပါတယ်။)
ဒါကြောင့် မိမိတို့်ရဲ့ မျိုးဆက်သစ်များကိုလဲ ဦးနှောက်အဆိပ်သင့်ခြင်း
မဖြစ်စေဖို့ အုပ်ထိန်းသူလူကြီးသူမများမှာ တာဝန်အပြည့်ရှိပါတယ်။

ကျွန်တော်တို့တွေရဲ့ အယူအဆ အတွေးခေါ်
အပြုအမှု အပြောအဆို အရေးအသားတွေဟာ ကျွန်တော်တို့ရဲ့
အတွင်းစိတ်မှတဆင့် ပေါက်ဖွားလာကြရပါတယ်။
ဒါကြောင့် ဗုဒ္ဒဘုရားက ( ကာယကံ၊ ၀ဇီကံ ၊ မနောကံ) ဆိုပြီး ဟောမွက်ခဲ့ပါတယ်။
(မနောကံမြောက်)စိတ်နဲ့ ကြံစည်ပြီးမှ (၀ဇီကံမြောက်) ဆိုပြီး နှုတ်နဲ့ပြောကြရပါတယ်၊
ပြုသင့် ပြုထိုက် ပြုချင်သည်များကို (ကာယကံမြောက်) ကိုယ်တွေ့လက်တွေ ပြုလုပ်ကြရပါတယ်။
အဲဒီဖြစ်စဉ်ကို အခြေခံပြီး ရိုးရှင်းစွာပြောရရင် အမှတ်မှားရင် အတွေးမှားပါမယ်၊
အတွေးမှားရင် (အပြော၊အရေး၊အပြုအမှု) အလုပ်မှားပါမယ်၊
အလုပ်မှားရင်တော့ ရလဒ်များဟာ မိမိကိုယ်ကို သာမက
ပတ်ဝန်းကျင်လောကကိုပါ ထိခိုက်ပျက်စီးသွားစေပါတော့တယ်။
မိမိကိုယ်ကို ထိခိုက်အကျိုးယုတ်စေခြင်းဆိုရာမှာ ယခုမျက်မှောက်ကာလ
သာမက အခန့်မသင့်ရင် သံသရာအဆက်ဆက်အထိပါ
ထိခိုက်ဆုံးရှုံးနစ်နာ သွားစေပါတော့တယ်။ ဒါဟာ အမှတ်မှားခြင်းရဲ့ ရလဒ်များဖြစ်ပါတယ်။
အဆိပ်သင့်စာပေလို့ ပြောတဲ့နေရာမှာ (အပြာစာပေ၊ ညစ်ညမ်းစာပေ)တွေပဲ ဆိုလိုတာ
မဟုတ်ပါဘူး။သဘာဝဓမ္မနဲ့ ဆန့်ကျင်နေတဲ့ စာပေများ အားလုံး
အဆိပ်သင့်စာပေထဲမှာအကျုံးဝင်ပါတယ်။

အကျိုးယုတ်ခြင်းကို အဆုံးစွန်အထိညွှန်းဆိုပြရမယ်ဆိုရင်
ကမ္ဘာ့အသိအမှတ်ပြု ဘာသာတရားအားလုံးမှာ မိမိတို့ယုံကြည်ရာ
နောက်ဆုံးလွတ်မြောက်ရာနေရာ ဘုံဗိမ္မာန်ဆိုတာရှိနေမြဲပါပဲ။
အကယ်ရွေ့ အမှတ်သညာသာ မှားသွားခဲ့ရင် ထိုထိုအရာဌာနများသို့
ရောက်ရှိလွတ်မြောက်နိူင်ခြင်း မရှိတော့ပဲ သံသရာထဲမှာ
အဆိုးတွေပွေ့ပိုက်ရင်း လမ်းပျောက်နေတော့မှာ ဧကံဖြစ်ပါကြောင်း
ပြောရင်း နိဂုံးချုပ်မယ်ဗျ။

အားလုံး အားလုံး လိုအင်ပြည့်နိူင်ကြပါစေ။

ချစ်သောအားဖြင့် @Builderb

See U again !