United Got 3 Points

EPL Week 2 မှာလည်း Chelsea အသင်း နိုင်ပွဲဆက်နေခဲ့၏။ နည်းပြ Xabi Alonso လက်ထက်မှာ ယခင်ထက်စာရင် ပုံစံကောင်းတွေ တွေ့မြင်နေရ၏။ အဆုံးသတ်ပိုင်း အားနည်းသွားလို့သာ ဒီထက် ဂိုးတွေ ပိုမရခဲ့ခြင်း ဖြစ်၏။ ခုလည်း ဂိုးတွေက မနည်းပေ။ ၂ သင်းပေါင်း ၇ ဂိုး ထိရှိခဲ့၏။ ပထမပိုင်း ၄၊ ၁၄၊ ၃၄ မိနစ်တွေမှာတင် Chelsea အနေဖြင့် ၃ ဂိုးဆက်တိုက် ရရှိသွားခဲ့၏။ ၃၅ နှင့် ၆၃ မိနစ်တွေမှာ Brighton အသင်း ချေပဂိုးတွေ ပြန်လည် သွင်းယူနိုင်ခဲ့၏။

ပွဲက အကြိတ်အနယ် ပို၍ ရှိလာခဲ့၏။ Brighton အနေဖြင့် ချေပဂိုးတွေ ရယူနိုင်လာသဖြင့် ပွဲကို ပြန်လည် စိုးမိုးရန် ကြိုးစားလာ၏။ သို့ပေမဲ့ ၇၄ မိနစ်မှာ Chelsea က နောက်ထပ် ၁ ဂိုး ထပ်မံ သွင်းယူပြီး အနိုင်ရလဒ် သေချာစေဖို့ ပြင်ဆင်၏။ ဒါတောင် ၉၀+၆ မိနစ်မှာ Brighton က ချေပဂိုး သွင်းယူပြန်၏။ သို့ပေမဲ့ သရေကျ‌မည့်ဂိုးအထိ လုံလောက်အောင် မသွင်းယူနိုင်တော့သဖြင့် ၄-၃ ဖြင့် ပွဲပြီးသွားခဲ့၏။

Leeds vs Brentford ကတော့ တဖက် ၁ ဂိုးစီ သွင်းယူပြီး သရေတမှတ်စီ ခွဲဝေယူသွားကြ၏။ Sunderland ကတော့ အိမ်ကွင်းမှာ Fulham ကို ၁ လုံးထဲသော သွင်းဂိုးဖြင့် အနိုင်ယူပြီး ၂ ပွဲဆက် ရှုံးပွဲ မတွေ့အောင် ရှောင်ရှားနိုင်ခဲ့၏။ Fulham အနေဖြင့်ကတော့ ၂ ပွဲဆက် အရှုံးနဲ့ ရင်ဆိုင်သွားရလေ၏။

အဖွင့်ပွဲမှာ Hull City ကို အဝေးကွင်းမှာ ၂-၀ ဖြင့် ရှုံးနိမ့်ခဲ့လို့ ဝေဖန်ခံနေရသည့် United အနေဖြင့် ဒီတပတ်မှာတော့ ဝေဖန်သံတွေကြားကနေ ရုန်းထွက်လာနိုင်ခဲ့၏။ ဂိုးတွေသွင်းပြီး အနိုင်ရလဒ်ကို ဖော်ဆောင်နိုင်ခဲ့ပေမဲ့ လိုအပ်ချက်တွေကတော့ ရှိနေဆဲပင်။ အဖွင့်ဂိုးကို Ipswich အသင်းက အရင် သွင်းယူခဲ့ခြင်း ဖြစ်၏။ ပထမပိုင်းမှာတင် United က ချေပဂိုး ပြန်သွင်းသဖြင့် ပထမပိုင်းက ၁-၁ နဲ့ ပြီးသွားခဲ့၏။

ဒုတိယပိုင်းမှာတော့ United တို့ ဂိုးတွေ ထပ်မံရယူနိုင်ခဲ့၏။ အထူးသဖြင့် အသင်း ခေါင်းဆောင် Bruno Fernandes ဖြစ်၏။ မနှစ်က ဂိုးဖန်တီးသူအဖြစ် စံချိန်တင်ခဲ့ပြီးနောက် ဒီနှစ်မှာတော့ ဂိုးသွင်းယူသူအဖြစ် စံချိန်များ တင်မလို့လားပေါ့။ Hat-trick သွင်းယူ သွားခဲ့၏။ ကျန် ၂ ဂိုးမှာ ၁ ဂိုးက Greaves ၏ OG ဂိုးနှင့် Mbeumo က ၁ ဂိုး သွင်းယူခဲ့၏။ ပွဲပြီးခါနီး ၉၀+၁ မိနစ်မှာ Ipswich က ချေပဂိုး ၁ ဂိုး ပြန်လည်လို့ သွင်းယူခဲ့သဖြင့် ၅-၂ ဖြင့် ပွဲပြီးဆုံးသွားခဲ့လေ၏။

(photos from EPL page)