အိမ်စောင့်ခွေးလေး

ကျွန်မတို့ မိသားစုသည် 25.3.2024 တွင် လှုပ်ခတ်ခဲ့သည့် ငလျှင်ကြောင့် အိမ်ငှားဘဝမှ ကိုယ်ပိုင်အိမ် ရှင်ဘဝသို့ ရောက်ရှိခဲ့သည်။ အဘယ်ကြောင့် ဆိုသော် အိမ်ငှားနေထိုင်သည့် အိမ်မှာ စိတ်ချမှုမရှိခြင်း၊ အကယ်၍များ ဆိုသည့် အတွေများ ပတ်ချာလည်၍ ကိုယ်ပိုင် တနိုင်အိမ်လေး ဆောက်ပြီး နေထိုင်ဖြစ်ခဲ့သည်။

အိမ်မှာ မွေးထားခြင်း မရှိသည့် ခွေးထီးလေး တစ်ကောင်သည် ကျွန်မတို့ အိမ်၌ အမြဲလာရောက် နေထိုင် စားသောက်လေ့ရှိပါသည်။ ကျွန်မတို့ မိသားစု ခရီးထွက်လျှင်လည်း အိမ်ရှေ့ တံခါးပေါက်၌ အမြဲစောင့်ပေး လေ့ရှိသည်။

နေ့စဉ်နှင့်အမျှ လာရောက်စောင့်ပေး ခြင်းသည် ကျွန်မတို့ မိသားစုအတွက် ကောင်းသော်လည်း ဧည့်သည် လာရောက်သည့် အချိန်တွင် အားနာစရာ များဖြစ်ရသည်။ အဘယ်ကြောင့် ဆိုသော် ခွေးထီးလေးသည် ဧည့်သည် သူစိမ်း လက်မခံချင်ပါ။ အိမ်အတွင်းသို့ ဝင်မည့်ဧည်သည်များကို ကိုက်ချင်ပါသည်။

ခွေးထီးလေးအား ဧည့်သည် မကိုက်စေချင်သည့်အတွက် အကြိမ်ကြိမ် မောင်းထုတ် ရိုက်နှက်ဖြစ်ခဲ့ပါသည်။ မည်သို့ပင် မောင်းထုတ်စေခဲ့ပါမှု ခွေးထီးလေးသည် အခြားအိမ်သို့ အပြီးပြန်သွားခြင်း မရှိ အိမ်သို့သာ ပြန်လာနေတက်သည်။ နေ့စဉ်နှင့်အမျှ မောင်းထုတ်နေခဲ့ရသည့် ကျွန်မသည် ခွေးထီးလေးအား အားနာလာခဲ့သည်။ ခုတော့ မောင်းမထုတ်ဖြစ်တော့ပါ။ အကယ်၍ သူခိုးကပ်လာလျင် ကျွန်မ ကြိုတင်သိနိုင်ခြင်းကြောင့် ဖြစ်သည်။ သစ္စာရှိရှိ နေစဉ် စောင့်ပေးလျက်ရှိပါသည်။

အိမ်သို့ အလည်လာမည့် အသိမိတ်ဆွေ ဧည့်သည်များရှင့် ကြိုတင်အသံပြု ဝင်ရောက် လာပေးပါရန် သတိပေးရင်း အိမ်မှာ သစ္စာရှိသော ခွေးထီးလေးရှိကြောင်း အသိပေးပါရစေ။