Psalmus V

1. In fīnem, prō eā quæ hærēditā́tem cōnséquitur. Psalmus Dāvīd.

2. Verba mea áuribus pércipe Dómine, *
intéllige clāmōrem mēum.

3. Intende vōcī ōrātiōnis meæ, *
Rēx meus et Deus meus.

4. Quóniam ad tē ōrābō: *
Dómine māne exáudiēs vocem meam.

5. Māne astābō tibi et vidēbō: *
quóniam nōn Deus volēns inīquitātem tū es.

6. Neque habitābit juxtā tē malignus: *
neque permanēbunt injūstī ante óculōs tuōs.

7. Ōdistī omnēs, quī operantur inīquitātem: *
perdēs omnēs, quī loquúntur mendā́cium.

Virum sánguinum et dolōsum abōminā́bitur Dóminus: *
8. Egō autem in multitū́dine misericórdiæ tuæ

Introībō in domum tuam: *
adōrābō ad templum sānctum tuum in timōre tuō.

9. Dómine dēdūc mē in jūstítiā tuā: *
propter inimīcōs meōs dī́rige in cōnspectū tuō viam meam.

10. Quóniam nōn est in ōre eōrum vḗritās: *
cor eōrum vānum est.

11. Sepúlchrum patēns est guttur eōrum,†
linguīs suīs dolōse agēbant,*
jū́dicā illōs Deus.

Dḗcidant ā cōgitātiṓnibus suīs, †
secundum multitū́dinem impietātum eōrum expelle eōs,*
quóniam irrītāvērunt tē Dómine.

12. Et lætentur omnēs, quī spērant in tē,*
in æternum exsultābunt: et habitābis in eīs.

Et glōriābuntur in tē omnēs, quī dī́ligunt nōmen tuum,*
13. Quóniam tū benedīcēs jūstō.

Dómine, ut scūtō bonæ voluntātis tuæ *
corōnāstī nōs.

Pic. Commune unius Martyris extra Tempus Paschal - Ad Matutinum. In II Nocturno, 2 (Nocturnale Romanum, [40] + macrons)

Should you happen to notice a mistake, kindly let me know.	Si llegaren a observar algún error, háganmelo saber por favor.
Note: Latin words are to be stressed on the second-to-last syllable. Therefore, no acute diacritic sign is provided for these words. Acute diacritic sings are only provided for third- and forth-to-last stressed syllables.	Nota: Las palabras en latín tienen sílaba tónica grave, por lo que no se incluyen tildes para estas palabras. Se incluyen tildes sólo para sílabas tónicas esdrújulas y sobresdrújulas.